أخبار العقار في فاس

علاش من بعد هاد الجائحة المغاربة المقيمين فالخارج ولاو كيشريو العقار فعين الشقف

Share on facebook
Facebook
Share on twitter
Twitter
Share on whatsapp
WhatsApp
تمت كتابة المقال هذا اليوم

من بعد ما تحاورنا مع أغلب الناس اللي عاد شراو العقار فعين الشقف لقينا ثلاث أسباب أساسية للي كتخليهوم يشريو العقار فعين الشقف
هما الجو و الماء و الأمن يعني كيلقاو حيات طبيعية و مأمنة و نفس الوقت قريبة

و هاد الناس اللي عاد شراو فعين الشقف كاين حالات اللي خاصك تعرفهم
منهم اللي ساكن فالخارج و عندو الأم و الأب ديالو ففاس ساكنين ف برطمة مع الجيران و حنا كنعرفو الناس الكبار كيقنطو غير الدار و الحيوط و التلفزة يعني كاين للي دار بادرة و طلع لعين الشقف و شرا لوالديه أرض فيها دار و لا بناها هنا كيكون شرالهم الراحة (على لسان الوافدين الجدد لعين الشقف) كيستقرو و كيلقاو الجردة فين يشمو الهوا ويغرسو شجيرات و خضروات كيولي عندهم فين يدوزو النهار مع الطبيعة

 و هدا مكيعنيش أنهم بعدو على فاس حيت مابين عين الشقف و السونطر ديال المدينة غير 15 دقيقة بالسيارة أو الطكسي

و كذالك كاين البعض اللي ساكن فالخارج و كيجي عطلة كيلقا راسو هوا و مراتو و ولادو معا والديه فبرطمة ولا فبرطمة ديالو كيصعاب عليه يرتاح و كيخصو كل نهار يقلب على بلاصة طبيعية ولا بيسين فين يرتاحو و كيصعاب عليه حتى يستقبل العائلة ديالو هادشي للي خلا شحال من واحد فعاوط ياخد برطمة فالمدينة ولا كيفضل ياخد إما فيرما أو دار معاها الأرض يعني كيجي فالعطلة ديالو كيلقا الدار و الجردة مغروسة و الكازو و بيسن لوليداتو

و كيستقبل العائلة ديالو فضروف زوينة كاين التيساع و الراحة و فنفس الوقت قريب لسونطر دالمدينة و قريب لبعض المناطق السياحية بحال مولاي يعقوب و إمزار و سيدي حرازم و الغابة د عين الشقف

و هادشي كينطابق حتا على الناس اللي مستقرين ففاس كاين حالات الي كانو ساكنين ف برطمة مع هاد الحجر الصحي اللي داز تكرفصو و ختارو يستقرو فدار فالبادية و فنفس الوقت قريبة للسونطر يعني يبقا قريب لخدمتو و وليداتو مفاجين

و هاد النوع كانت الوجهة ديالهم عين الشقف بحكم الإمتيازات ديالها بينها و بين السونطر 15دقيقة بالسيارة أو الطاكسي و فيها جو ممتاز و الماء للي معروف بالجودة و حتى الأمن

يعني الإنسان كيهرب من ضوضاء المدينة و ازدحام السيارات و الجو الحار و إكتضاض الناس
فعاوط ما كان كيبقى 24 ساعة من حيط لحيط من الخدمة الدار المقهى كولشي حيوط
ولا كيدوز 8سوايع ديال الخدمة فالمدينة و كيرتاح 12ساعة فدارو و الجردة ديالو مع وليداتو و حتى إلى بغا المقهى أغلب مقاهي عين الشقف كتميز بالمساحات الخضراء و ألعاب الأطفال … يعني أغلب الوقت كيولي فأجواء الطبيعة

و فالأخير كنقدمو الشكر و التقدير للي صاهرين على التطور د عين الشقف و محافضين على مميزاتها الطبيعية و كذالك العناصر الصاهرة على أمن و استقرار المنطقة

2021 – أخبار العقار في فاس @